Балалар ауруханасы 111%-ға толып тұр
Астанада қызылша дерті дендеп барады. Науқастардың көпшілігі – вакцина алмаған балалар. Дегенмен науқастар арасында ересектер де бар, деп хабарлайды "Opennews.kz" ақпарат агенттігі.
Қазіргі уақытта балалар жұқпалы аурулар стационары 111% артық жүктелген. № 3 көпсалалы қалалық балалар ауруханасында бары — 300 төсек-орын.
Алайда қызылшамен келетіндердің көбеюіне байланысты қуаты 557-ге және тағы 20 реанимациялық төсекке дейін ұлғайды.
Аурухананың мәліметінше, қызылшамен реанимацияда жатқан балалардың бәрі желдеткішке жалғанған.
Дәрігерлердің айтуынша, негізінен 14 жасқа дейінгі балалар ауырады.
Сондай-ақ, ересектер арасында қызылшаға қарсы ешқашан вакцина алмаған немесе вакцинация күнтізбесіне сәйкес ревакцинацияланбаған адамдар да кездеседі.
Дәрігерлер егер бұрын қызылша ауруы негізінен бір жастан асқан болса, қазір науқастардың арасында 5-6 айлық балалар бар екенін айтады.
Қызылша — вакцина арқылы алдын алатын вирус. Баланың денсаулығы мен өмірін вакцинация арқылы сақтауға болады.