Шетелде Қазақстандық азамат комаға түсті

18 ақпан 2026, 18:00

2 510

Таиландқа демалысқа барған қазақстандықтың жағдайы кенеттен нашарлап, комаға түсті,- деп хабарлайды Opennews.kz ақпарат агенттігі.

36 жастағы Қостанайлық азаматшаны туыстары елге қайтаруға қиналып отыр. Себебі ол өкпе жасанды желдету және гемодиализ аппараттарына қосылған. Ал аурухана күтім үшін күніне 1 миллион теңге алып отыр.

Алексей Вивтоненконың шетелде жүріп сноуборд, байк пен белсенді демалыста болған. Алайда соңғы күндері асқазаны ауырған. Кейін құсып жеке клиникаға жүгінген. Бірақ 2 күннен соң жағдайы нашарлап кеткен. Соңында өткір панкреатит, сепсис және жасанды кома анықталған. Ер адам 2 аптадан бері өкпе мен бүйректің қызметін алмастыратын аппараттарда жатыр.

Оқиғадан кейін Пхукетке Алексейдің ағасы Тихон Вивтоненко шұғыл ұшып барған.

“Дәрігерлер нақты болжам бермейді. Айтады, реанимацияда жағдай бірнеше минут ішінде өзгеруі мүмкін. Барлығы пациенттің ағзасының емге қалай жауап беруіне байланысты. Қазіргі кезде оның жағдайы ауыр деп бағаланады, бірақ дәрігерлер барынша көмектесіп, жақсартуға тырысып жатыр”, – деді ол.

Барлық емдеу шығындарын Алексейдің туыстары төлеп отыр. Ал аурухана шоттары өте қомақты. Туристерге арналған стандартты медициналық сақтандыру мұндай күрделі жағдайға жарамайды.

“Ауруханадағы 1 күннің өзі 1 миллион теңге. Бұл біздің отбасымызға өте ауыр қаржы жүктемесі. Стандартты сақтандыру емдеуді толық қамтыған жоқ. Тек алғашқы 2 күн реанимацияны – шамамен 10 мың долларды ғана төледі. Қазір біз клиникаға 10 миллион теңгеден астам қарызбыз”, – деді Алексейдің туысы Юлия Заболотная.

Алексейдің туыстары Қазақстанның Денсаулық сақтау министрлігінің көмегіне сеніп, азаматты санавиациямен елге әкелуді сұрайды. Бірақ ведомство бұл өтінішті пациенттің қазіргі жағдайына байланысты қанағаттандырмай отыр.