Вакцинация паспортын сатып алған әйел коронавирустан көз жұмды

18 қазан 2021, 08:59

382

Маңғыстау облысында жан сақтау бөлімінде вакцинация төлқұжатын сатып алған әйел қайтыс болды- деп хабарлайды Opennews.kz ақпарат агенттігі ҚазАқпарат қа сілтеме жасап.

"Біз басынан бастап вакцинацияны әділ өткіздік. Қазір екпе егу пункттерінде бейне бақылау камералары орнатылған. Бұған дейін Маңғыстау облысында төлқұжат жасату фактілері туралы хабар келіп түскен болатын. Полиция департаментінің мәліметінше, Ақтаудағы №1 қалалық емханасында осындай жағдай тіркелді. Өкінішке орай, бұған дәрігерлер мен медбикелердің қатысы бар екені анықталды. Қазір сотқа дейінгі тергеу жүріп жатыр. Бұдан өзге деректер тіркелмеді", деді Қалмұратова.

Әкім орынбасары хабарлағандай, ауруханаға түскен науқастардың арасында вацинация төлқұжатын сатып алған әйел болған. Науқас өзге ауданда жалған вацинация төлқұжатын алғанын мәлімдеген. Бірақ өкінішке орай әйел жансақтау бөлімінде қайтыс болды.

"Мұнда екі жақ та кінәлі. Өзімізді осылай алдаймыз. Бұл вакцинадан қорыққандықтан болады", - деп қосты Гүлмира Қалмұратова.