34 мыңнан астам жасөспірім Қызылорда облысында «Pfizer» вакцинасын салдырды
309
Бүгінгі күнге дейін Қызылорда облысында 34 мыңнан астам жасөспірімге екпе салынды, деп хабарлайды Opennews.kz ақпарат агенттігі.Қазірге дейін өңірде барлығы 38 746 адам «Pfizer» вакцинасының бірінші компонентін салдырды. Бұл - тиісті контингенттің 38,9 пайызы.
Олардың 16,2 пайызы екі компонентін алғандарды құрап отыр. Оның ішінде 34 102 жасөспірім, 1908 жүкті әйел, 3530 емізулі ана қамтылды.
«Бүгінге дейін аталған вакцинаны салдырғандар арасында 12-17 жас аралығындағы жасөспірімдер саны басым. Олардың 20,4 пайызы екі компонетін де алып үлгерді. Ал жүкті әйелдер арасында бірінші компонентпен - 8,4, лактация кезеңіндегі әйелдер арасында 8,3 пайызды шамалайды», - деп мәлім етті Қызылорда облыстық Санитариялық-эпидемиологиялық бақылау департаменті.
