«Аңсаған сәби» бағдарламасы 2025 жылға дейін жалғасады

ҚР Денсаулық сақтау министрі Ажар Ғиният: «Аңсаған сәби» бағдарламасы 2025 жылға дейін жалғасатынын айтты, - деп хабарлайды Opennews.kz ақпарат агенттігі.    
   

«Президентіміз Қасым-Жомарт Кемелұлы бедеулік салдарынан отбасылық жұптардың 20 пайызы ажырасып жатқанына, отбасылық-демографиялық жағдайға алаңдаушылық білдіре отырып, «Аңсаған сәби» арнайы бағдарламасын жүзеге асыруды тапсырды. Былтыр осы бағдарлама арқылы 7 000 әйелге қосалқы репродуктивтік технологиялар қолжетімді болды. Нәтижесінде 3 000-нан астам әйел жүктілік бойынша есепке алынды. 1307 отбасында көптен күткен 1560 бала дүниеге келді. Бұл бағдарлама «Дені сау ұлт» ұлттық жобасы шеңберінде 2025 жылға дейін жалғасатын болады», - деді Ажар Ғиният Үкімет отырысында.