Елімізде тіркелген саяси партиялардың саны белгілі болды

Қазақстанда ресми түрде тіркелген партиялардың саны жетеу, деп хабарлайды Opennews.kz ақпарат агенттігі.



Әділет минстрлігінің ресми өкілі Талғат Уәлидің мәліметінше, Respublica партиясын тіркеуге 2022 жылғы 3 желтоқсанда өткізілген саяси партия құру туралы құрылтай съезі, сондай-ақ "Саяси партиялар туралы" Заңның 6-10-баптарында көрсетілген құжаттар негіз болған. 

Тіркеуге ұсынылған құжаттар қолданыстағы заңнамаға сәйкес тексеріліп, тіркеу талаптарына сай деп танылған. 


Осыған орай, 2023 жылғы 18 қаңтардағы жағдай бойынша елімізде 7 саяси партия тіркелген: 

• Amanat партиясы; "Ақ Жол" Қазақстанның демократиялық партиясы; 
• Қазақстан Халық партиясы; "Ауыл" халықтық-демократиялық патриоттық партиясы; 
• "Жалпыұлттық социал-демократиялық партия"; 
• "Қазақстанның "Байтақ" жасылдар партиясы; 
• Respublica партиясы" қоғамдық бірлестігі. 

Еске салсақ, бұған дейін Respublica партиясының төрағасы Айдарбек Хожаназаров өзінің Facebook парақшасында партияның ресми түрде тіркелгенін хабарлаған еді.