Тоқаевқа БРИКС-ке қосылу жөнінде ұсыныс түсті

Қасым-Жомарт Тоқаев Қазақстанның БРИКС-ке қосылуы туралы ұсыныс алды, - деп хабарлайды "Opennews.kz" ақпарат агенттігі.

БРИКС-ке кіруге өтінімдерді Әзірбайжан, Беларусь және ТМД-ның басқа елдері де беруі мүмкін.

Берік Уәлидің айтуынша, Қазақстан БРИКС ұйымының дамуын мұқият бақылап отыр және оның негізін қалаушы мемлекеттердің кез келген ірі державалардың гегемониясынан азат, әділ және демократиялық әлемдік тәртіп құруға шақыруларын қолдайды.

Сонымен қатар, қазіргі таңда және жақын болашақта Қазақстан БРИКС-ке мүшелікке өтініш бермейді. Бұл шешім ұйымның даму перспективалары мен көп сатылы процесін ескере отырып қабылданған.

Президент хатшысының айтуынша, Қазақстанның сыртқы саясатындағы негізгі басымдық Біріккен Ұлттар Ұйымына беріледі. Президент Қасым-Жомарт Тоқаев бірнеше рет БҰҰ-ның әділетті әлемдік тәртіпті қалыптастырудағы рөлін атап өткен. Ұйымның кейбір кемшіліктері болғанымен, басқа балама құрылым жоқ, сондықтан БҰҰ халықаралық қолдауға мұқтаж.