Ақорданың ғимаратында жөндеу жұмыстары қалай жүріп жатыр

Қазіргі уақытта Ақорда резиденциясында жоспарлы жөндеу жүргізілуде. Жұмыс мамыр айында басталды және қыркүйекте аяқталады деп жоспарланып отыр. Бұл туралы президенттің іс басқармасының баспасөз қызметі хабарлады.

Ведомство мәліметінше, Ақорда резиденциясының ғимаратының шатырына жоспарлы жөндеу жұмыстары жүргізіліп жатыр. 

"Ғимараттың қасбеті шатырға оңай көтерілуі үшін алынды. Шатырдағы жөндеу аяқталғаннан кейін ол орнына бекітіледі", делінген хабарламада. 

Сонымен қатар, тарихи ғимараттың эстетикалық келбетін бұзбау үшін нысанның сыртына құрылыс сатылары орнатылмай, оның орнына неғұрлым жеңіл технология таңдалғаны белгілі болды.