Мемлекет басшысы Князь II Альберді және Монако халқын Ұлттық күнімен құттықтады
2 506
Президент Қасым-Жомарт Тоқаев Монако Князі II Альберге Ұлттық күнге орай құттықтау жеделхатын жолдады,- деп хабарлайды Opennews.kz ақпарат агенттігі.
Жеделхатта Мемлекет басшысы Монаконың халықаралық аренадағы беделінің артып келе жатқанын, елдің бірегей мәдени мұрасын сақтаудағы, тұрақты даму мен қоршаған ортаны қорғаудағы жетістіктерінің әлемге үлгі екенін атап өтті.
Президент екі ел арасындағы достық әрі өзара түсіністікке негізделген ынтымақтастық алдағы уақытта да екі халықтың игілігі үшін нығая беретініне сенім білдірді. Сондай-ақ Мемлекет басшысы Князь II Альбер мен Монако халқына бақ-береке тілеп, жылы лебізін жеткізді.
