Мемлекет басшысы Еңбек және халықты әлеуметтік қорғау министрін қабылдады

Мемлекет басшысы Светлана Жақыпованы қабылдап, еңбек және әлеуметтік қорғау саласындағы жұмыстардың барысымен танысты,-деп хабарлайды Opennews.kz ақпарат агенттігі.

Министрдің айтуынша, жұмыспен қамту жоспарының 83%-ы орындалған, соңғы бес жылда 2,7 млн адам еңбекке тартылды. Атаулы әлеуметтік көмек алушылар саны 30%-ға азайып, 285,1 мың адамға қолдау көрсетілген.

Өндірістік жарақаттану 6,5%-ға, қайғылы оқиғалар 4,5%-ға төмендеді. Әлеуметтік қызметтер порталы арқылы 522 мыңнан астам адам қызмет алған, 27 мың азамат инватакси пайдаланған.

Биыл базалық зейнетақы ең төменгі күнкөріс деңгейінің 70%-ына дейін өсірілді. Президент әлеуметтік қолдау тетіктерін цифрландыруды, жұмыспен қамту сапасын арттыруды және зейнетақы жүйесін жетілдіруді тапсырды.