Президент Қасым-Жомарт Тоқаев үш жылдық бюджет туралы заңға қол қойды

Мемлекет басшысы Қасым-Жомарт Тоқаев Парламент ұсынған 2026–2028 жылдарға арналған республикалық және жергілікті бюджет туралы заңдарға қол қойды,-деп хабарлайды Opennews.kz ақпарат агенттігі.

Заңдарға сәйкес, республикалық және облыстық бюджеттер, республикалық маңызы бар қалалар мен Астана бюджеттері арасындағы трансферттердің көлемі анықталды. 2025 жылғы 20 қарашада Сенат отырысында Премьер-министрдің орынбасары – Ұлттық экономика министрі Серік Жұманғарин заң жобасын таныстырған болатын.

Вице-премьердің айтуынша, жергілікті бюджеттердің теңгерімділігі қамтамасыз етілген, барлық базалық шығыстар есепке алынған, ал даму бюджеті республикалық бюджеттің мүмкіндіктеріне сәйкес қалыптастырылған. Жергілікті бюджет кірістері 2026 жылы 10,7 трлн теңге деп болжануда.