Қазақстанның цифрлық дамуы және жасанды интеллект
2 510
Жасанды интеллект дәуіріне Қазақстан ерте қадам жасады,- деп хабарлайды Opennews.kz ақпараттық агенттігі Baq.kz сайьына сілтеме жасап.
Экономиканың негізгі тірегі табиғи ресурстар болса, бүгінгі күні елдердің болашағы цифрландыру мен жасанды интеллект технологияларын қаншалықты тиімді енгізе алуына байланысты болып отыр.
Қазақта “жиылмаған көрпе көштен қалдырады” деген сөз бар. Бүгінгі технологиялық революция да дәл сондай кезең. Сарапшылардың болжамынша, алдағы онжылдықта әлемдік жалпы ішкі өнімнің шамамен 25 пайызы жасанды интеллекттің қатысуымен қалыптасады. Мұны ерте түсінген елдер осы салаға миллиардтаған инвестиция салып, арнайы ұлттық бағдарламалар қабылдап жатыр, - дейді ол.
Жасанды интеллект өндірістен бастап медицина, қаржы, логистика, ауыл шаруашылығы сияқты көптеген саланың тиімділігін бірнеше есе арттыруға мүмкіндік берген. Сондықтан бүгінде елдер бұл бағытты ұлттық қауіпсіздік пен экономикалық өсудің негізгі факторларының бірі ретінде қарастырып отыр, - дейді экономист.
Қазақстан ерте қадам жасаған елдердің бірі. Қазақстан да жаһандық технологиялық өзгерістерден шет қалған жоқ. Керісінше, цифрлық трансформацияны ерте қолға алған мемлекеттердің бірі саналған. Мемлекет басшысы Қасым-Жомарт Тоқаев цифрландыру мен жасанды интеллектіні дамытуды стратегиялық басымдықтардың бірі ретінде айқындап, 2026 жылды Қазақстанда цифрландыру және жасанды интеллект жылы деп жариялаған.
