Қызылорда облысына жаңа әкім тағайындалды
1 016

"Нұрлыбек Машбекұлы Нәлібаев Қызылорда облысының әкімі лауазымына тағайындалсын",-делінген Жарлықта.
Еске салайық, 2020 жылдан бері Қызылорда облысының әкімі қызметін Гүлшара Әбдіхалықова атқарған болатын.
Нәлібаев Нұрлыбек Машбекұлы 1976 жылы Жаңақорған ауданында дүниеге келген.
Қазақ мемлекеттік аграрлық университетін экономист-менеджер мамандығы бойынша бітірген ол өзінің еңбек жолын «Казахойл-коммерция» серіктестігінде мұнай және мұнай өндірісі сарапшысы болып бастаған.
Кейін «Бұлақ» ЖШС директорының орынбасары, «Стандарт ОйлБейс» және «Стандарт ОйлТрейдинг» ЖШС-лерінің директоры,
«СтандартГаз» ЖШС директорының орынбасары, «ХаррикейнОйлПродактс» ШАҚ Қызылорда бөлімшесінің директоры,
«ҚызылордаМұнайСервис» ЖШС бас директоры қызметтерін атқарған.
2005-2007 жылдары Қызылорда қаласы әкімінің орынбасары,
2007-2008 жылдары Қызылорда облысы әкімі аппаратының басшысы болды.
Ал 2008-2013 жылдары Шиелі ауданын басқарған.
2013-2021Қызылорда қаласының әкімі болып келді.
2021 жылдан осы күнге дейін Нұрлыбек Машбекұлы Үкімет басшысының өкімімен Қазақстан Республикасы Премьер-Министрі Кеңсесінің Өңірлік даму бөлімінің меңгерушісі қызметін атқарған.