RUB (0.00) 7.64 KZT
USD (-0.10) 462.65 KZT
EUR (+2.40) 477.55 KZT
Саясат
351

Сайлаудың уақытын мемлекет басшысы жариялайды - Әділет министрі

 Қанат Мусин алдағы күзде өтуі тиіс кезектен тыс Президент сайлауының датасына қатысты жауап берді, деп хабарлайды Opennews.kz ақпарат агенттігі.

«Мемлекет басшысы өзінің Жолдауында жария еткендей, кезектен тыс сайлау осы жылдың күзінде өтетін болады. Сайлаудың нақты қай күні өтетінін Президент Жарлығымен жария етеді. Сайлау датасы белгіленгеннен кейін екі айдың ішінде сайлау өткізілетін болады», - деді Қанат Мусин Парламент палаталарының бірлескен отырысынан кейін БАҚ өкілдерінің сауалына.


Айта кетейік, бүгін депутаттар «Қазақстан Республикасының Конституциясына өзгерістер мен толықтыру енгізу туралы» ҚР заңын қабылдады.


Оған сәйкес, Президенттің мандаты қайта сайлану мүмкіндігінсіз бір мерзімге шектеліп, жеті жыл мерзімге ұзартылады; Нұр-Сұлтан қаласының атауы қайтадан Астана болып өзгереді; Конституциялық Сот судьяларының өкілеттік мерзімі 8 жылға дейін ұлғайтылады.