Қазақстандағы президент сайлауына кімдер түседі
497
11 қазанда Қазақстанда президенттікке кандидаттарды ұсыну уақыты аяқталды. Осы ретте Орталық сайлау комиссиясындағы тіркеуден кімдер өткені белгілі болды, - деп хабарлайды Opennews.kz ақпарат агенттігі
Жигули ДайрабаевӘуелі Жигули Дайрабаев президенттікке алғашқы үміткер атанды. Ол «Ауыл» партиясынан ұсынылып отыр. Жигули Дайрабаев – «Атамекен» ҰКП Төралқасы Агроөнеркәсіптік кешен комитетінің төрағасы әрі Қазақстан фермерлері қауымдастығының төрағасы. 68 жаста.
9 қазанда Орталық сайлау комиссиясы президенттікке кандидат Жигули Дайрабаевтың талаптарға сай келетінін жария етті.
Қасым-Жомарт Тоқаев6 қазанда саяси партиялар мен қоғамдық бірлестіктердің халықтық коалициясы 69 жастағы Қасым-Жомарт Тоқаевты президенттікке кандидат ретінде ұсынды.
Азаматтық белсенділер мен қоғам өкілдері «Тоқаев реформалары үшін» қозғалысын құру туралы бастама көтерді. Басталған сайлау науқаны кезінде бірнеше республикалық қоғамдық бірлестіктер бірден қазіргі президент Қасым-Жомарт Тоқаевты алдағы сайлауға кандидат ретінде ұсыну туралы шешім қабылдады.
Нұрлан ӘуесбаевТоқаевтан кейін президенттікке үміткер болып 65 жастағы Нұрлан Әуесбаев құжаттарын тапсырды. Оны Жалпыұлттық социал-демократиялық партия (ЖСДП) ұсынды.
Емтихан қорытындысы бойынша лингвистикалық комиссия ашық дауыс беру арқылы Нұрлан Әуесбаевтың мемлекеттік тілді жетік меңгергендігі туралы бірауыздан шешім қабылдады. 10 қазанда ОСК Нұрлан Әуесбаевтың президенттікке кандидаттарға қойылатын талаптарға сай екенін хабарлады.
Мейрам ҚажыкенТіркелмеген «Ынтымақ» партиясының жетекшісі Мейрам Қажыкен қыркүйектің 28-і күні «Қазақстан кәсіподақтары достастығы» «Аманат» РПП орталық атқару комитетінің отырысында президенттікке кандидат ретінде ұсынылды. Мейрам Қажыкен 61 жаста. Экономист ретінде белгілі. Бірақ саяси алаңда бұрын аса қатты белсенділігімен көзге түспеген.
Мейрам Қажыкен 4 қазанда ол құжаттарын ОСК-ға тапсырды. Емтихан қорытындысы бойынша лингвистикалық комиссия бірауыздан президенттікке кандидат Мейрам Қажыкеннің мемлекеттік тілді жетік меңгергендігі туралы шешім қабылдады.
Қарақат ӘбденПрезиденттікке үміткер алғашқы әйел – Қарақат Әбден. 48 жастағы үміткер кәсіби әлеуметтік қызметкерлердің ұлттық альянсы атынан ұсынылды.
Қарақат Әбден – төрт баланың анасы. Президент жанындағы Әйелдер істері және отбасылық-демографиялық саясат жөніндегі ұлттық комиссияның мүшесі, Астана қаласы әкімінің әлеуметтік мәселелер жөніндегі штаттан тыс кеңесшісі.
Талғат Ерғалиев
10 қазанда Талғат Ерғалиев те үміткер атанды. Ол «Қазақстан құрылысшылар одағы» заңды тұлғалар бірлестігі атынан сынға түспек.
Салтанат ТұрсынбековаСалтанат Тұрсынбекова әр жылдары мемлекеттік құрылымдарда, Жоғарғы Сотта жұмыс істеген. Астана қаласы қоғамдық кеңесінің белсенді мүшесі, сонымен қатар «Тұрмыстық зорлық-зомбылықсыз Қазақстан» жобасының жетекшісі.
«Қазақ аналары – дәстүрге жол» республикалық қоғамдық бірлестігінен президенттікке үміткер ретінде тағы бір әйел – Салтанат Тұрсынбекова. Ол да қажетті құжаттарды ОСК-ға тапсырды.
Нұржан ӘлтаевНұржан Әлтаев 44 жаста. Бұрын ол «Ел тірегі» партиясын ашып, елде бірнеше рет митинг ұйымдастырғаны белгілі.
Экс-мәжілісмен Нұржан Әлтаев та кандидат ретінде құжаттарын тапсырды. Бірақ Орталық сайлау комиссиясы «Мұғалмас» үкіметтік емес ұйымының (кандидат ұсынылған) бірқатар филиалдары басшыларының қоғамдық бірлестіктің жоғары органы отырысының хаттамасының бұрмаланғаны туралы шағымдарын тексеруде.
Жұматай ӘлиевПрезиденттікке кандидат ретінде Жұматай Әлиев те ұсынылды. 10 қазанда Орталық сайлау комиссиясы «Халық демографиясы» қоғамдық бірлестігінің ел президенттігіне кандидат ұсынуы туралы құжаттарын таныстырды.
Жұматай Әлиев 70 жаста. Бұған дейін Қазақстан халқы Ассамблеясынан бесінші сайланған Парламент Мәжілісінің депутаты болған.
Хайрулла Ғабжалилов
Бақыт Жаңабаевты президенттікке кандидат ретінде «Қазақстандық футбол жанкүйерлер лигасы» қоғамдық бірлестігі ұсынды. Жаңабаевтың жасы 46-да. Астана қаласы бойынша Мемлекеттік кірістер департаментінде жұмыс істейді.
Бақыт Жаңабаев
Бақыт Жаңабаевты президенттікке кандидат ретінде «Қазақстандық футбол жанкүйерлер лигасы» қоғамдық бірлестігі ұсынды. Жаңабаевтың жасы 46-да. Астана қаласы бойынша Мемлекеттік кірістер департаментінде жұмыс істейді.
Фатима БизаковаПсихолог әрі коуч Фатима Бизакова президенттікке үміткер ретінде құжаттарын тапсырды. Орталық сайлау комиссиясына Фатима Бизакова «Тәжірибелік психология» республикалық қоғамдық бірлестігі атынан Қазақстан Республикасының президенттігіне кандидат болып ұсынылды. Фатима Бизакова өзін инстаграмда психолог,коуч, бизнес тренер ретінде таныстырады. Ол президенттікке ұсынылған үшінші үміткер.
Еске салайық, Қазақстанда кезектен тыс президент сайлауы 20 қарашада өтеді. 23 қыркүйекте кандидаттарды ұсыну басталды. Кандидаттар 11 қазан күні сағат 18:00-ге дейін ұсынылды.
