Қаз
Рус
Ясауи кесенесінің аумағына кіру тәртібі өзгерді
2 518
Русский перевод этой статьи пока не опубликован. Ниже — оригинал на казахском языке.
Мәдениет және ақпарат министрлігінің тапсырмасына сәйкес, Қожа Ахмет Ясауи кесенесі аумағына кіру тәртібі өзгертілген,- деп хабарлайды Оpennews.kz ақпарат агенттігі.
«Әзірет Сұлтан» ұлттық тарихи-мәдени музей-қорығының хабарлауынша, 15- ші ақпаннан бастап кесене аумағы қоршалып, келушілердің кіруі арнайы орнатылған турникеттер арқылы жүзеге асырылады.
Бұл шара киелі нысанның сақталуын қамтамасыз ету, қауіпсіздік деңгейін арттыру, террористік сипаттағы ықтимал қауіптердің алдын алу, сондай-ақ келушілер қозғалысын реттеу мақсатында енгізіліп отыр. Енді келушілер кесене аумағына жеке басын куәландыратын құжаттарын көрсетіп, билет алып, қауіпсіздік тексерісінен өткеннен кейін ғана кіре алады, – делінген хабарламада.
Мекеме өкілдері енгізілген өзгерістер аумақта жүргізілетін жұмыстардың қауіпсіздігі мен бақылауын күшейтуге бағытталғанын атап өткен.
