Қаз
Рус
Қазақ анимациясы АҚШ кинотеатрларының экранында: «KÖLEÑKE» жүлде алды
Русский перевод этой статьи пока не опубликован. Ниже — оригинал на казахском языке.
«Қазақанимация» шығармашылық бірлестігі шығарған «KÖLEÑKE» (18+) анимациялық жобасы АҚШ-та өткен PFCAT (Portland Festival of Cinema, Animation & Technology) халықаралық фестивалінде қазылар алқасының арнайы жүлдесіне ие болды, - деп хабарлайды Opennews.kz ақпарат агенттігі.
Туынды хоррор-анимация жанрында «Өзгеше көзқарас пен шығармашылық шеберлік үшін» жүлдесімен марапатталды.
Фестиваль мамандары туындыдағы авторлық қолтаңба мен көркемдік ерекшелікті жоғары бағалады. «KÖLEÑKE» жобасын отандық мамандардан құралған шығармашылық топ әзірледі.
Сценарий авторы – Ернар Тілеубаев, қоюшы режиссері – Мақсат Аяпов, қоюшы суретшісі – Даир Жиенқұлов, атқарушы продюсері – Нұржігіт Сұлтанберді.
Бұдан бөлек, «Қазақанимацияның» фолк-хоррор жанрындағы «Su perisi» мен «Shańyraq» драмасы фестивальдің негізгі бағдарламасынан орын алды.
Бұл туындылар Портленде алғаш рет шетелдік көрерменге көрсетілді.
