Ауыл тұрғындарына 2,5 пайызбен несие берілмек

Русский перевод этой статьи пока не опубликован. Ниже — оригинал на казахском языке.

«Ауыл аманаты» жобасы қатысушыларға 2,5% ғана құрайтын төмендетілген шағын несие беруді көздеп отыр, деп хабарлайды Opennews.kz ақпарат агенттігі. 




Павлодар облысында «Ауыл аманаты» жобасы табысты іске асып жатыр. Облыс әкімі ауыл шаруашылығы, жұмыспен қамтуды үйлестіру және әлеуметтік бағдарламалар, кәсіпкерлік және индустриялық-инновациялық даму басқармаларының, сондай-ақ «Павлодар» әлеуметтік-кәсіпкерлік корпорациясы» АҚ өкілдерімен «Ауыл аманаты» жобасын талқылады.

Жобаның негізгі мақсаты – халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігіне және азаматтардың өмір сүру сапасын жақсартуға байланысты мәселелерді шешу.

Шағын несие көлемі – 8,6 млн теңгеге дейін.

Павлодар облысында жоба шеңберінде 300 кейсті жобаны жүзеге асыруға 1,5 млрд теңге бөлінді.