Қаз
Рус
Елімізде алюминий өңдеу көлемі 30 пайызға өсті
Русский перевод этой статьи пока не опубликован. Ниже — оригинал на казахском языке.
Әлихан Смайылов мемлекеттік қолдау шараларын шикізаттық емес секторға бағыттаудың нәтижесі туралы мәлімет берді, - деп хабарлайды "Opennews.kz" ақпарат агенттігі.
«Қайта өңдеушілерге шикізат қолжетімді бағамен беріліп келеді. Былтыр Қазақстанда алюминий өңдеу көлемі 30 пайыз артқанын көріп отырмыз. Шағын және орта бизнесті мемлекеттік қолдау шараларының тізбесі едәуір кеңейді. Былтыр елімізде шағын және орта бизнес субъектілерінің саны 27% немесе 1,8 миллионға өсті. Ал жалпы ішкі өнімдегі шағын және орта бизнестің үлесі 36% болды», - деді Үкімет басшысы.
Сондай-ақ, ол қолданыстағы заңнама инвесторларды отандық және шетелдік деп бөлмейтінін атап өтті.
«Біздегі заңнама шетелдік және отандық инвесторларға тең мүмкіндіктер береді. Ірі шикізаттық емес жобаларға 10 жылға дейін тұрақты салық қарастырылған. Қабылданған «Өнеркәсіп саясаты туралы» заң шеңберінде өңдеуші секторды дамытуға бағытталған тиісті тетіктер көзделген», - деді Әлихан Смайылов.
