Қаз
Рус
Қытай компаниясына 1 миллиард теңге айыппұл салынды
Русский перевод этой статьи пока не опубликован. Ниже — оригинал на казахском языке.
ШҚО экология департаменті "Синьсин” құрылыс және даму компаниясын тексерді, - деп хабарлайды "Opennews.kz" ақпарат агенттігі.
Тексеріс нәтижесінде компанияға 1 миллиард теңге айыппұл салынды. Бұл туралы Stan.kz ақпарат агенттігі облыстық прокуратурағасілтеме жасап хабарлайды. Прокуратура мәліметінше, тексеру нәтижесінде экологиялық заңнама бұзылғаны анықталған – ІІ санаттағы объектілерге экологиялық рұқсатсыз асфальтбетон қондырғысы мен ұсақтау кешенін пайдалану фактілері тіркелді.
Жауапкершілігі шектеулі серіктестік Әкімшілік құқық бұзушылық туралы кодекстің 328-бабының 1-бөлігі (Қоршаған ортаға жол берілетін антропогендік әсер ету нормативтерін бұзу) бойынша әкімшілік жауапкершілікке тартылды.
"Соттың 2025 жылғы 4 наурыздағы қаулысымен ЖШС-нің кінәсі анықталып, 1 миллиард теңге көлемінде айыппұл салынды”, – делінген хабарламада.
Тарап апелляциялық тәртіппен жоғары тұрған сотқа шағым түсірген, алайда 2025 жылғы 10 сәуірдегі апелляциялық инстанцияның қаулысымен бірінші сатыдағы сот шешімі өзгеріссіз қалдырылды.
