Қытай компаниясына 1 миллиард теңге айыппұл салынды

ШҚО экология департаменті "Синьсин” құрылыс және даму компаниясын тексерді, - деп хабарлайды "Opennews.kz" ақпарат агенттігі. 

Тексеріс нәтижесінде компанияға 1 миллиард теңге айыппұл салынды. Бұл туралы Stan.kz ақпарат агенттігі облыстық прокуратурағасілтеме жасап хабарлайды. Прокуратура мәліметінше, тексеру нәтижесінде экологиялық заңнама бұзылғаны анықталған – ІІ санаттағы объектілерге экологиялық рұқсатсыз асфальтбетон қондырғысы мен ұсақтау кешенін пайдалану фактілері тіркелді.

Жауапкершілігі шектеулі серіктестік Әкімшілік құқық бұзушылық туралы кодекстің 328-бабының 1-бөлігі (Қоршаған ортаға жол берілетін антропогендік әсер ету нормативтерін бұзу) бойынша әкімшілік жауапкершілікке тартылды.

Тарап апелляциялық тәртіппен жоғары тұрған сотқа шағым түсірген, алайда 2025 жылғы 10 сәуірдегі апелляциялық инстанцияның қаулысымен бірінші сатыдағы сот шешімі өзгеріссіз қалдырылды.