БЖЗҚ зейнетақы жинағының жеткіліктілік шегін 10 пайызға көтерді

Бірыңғай жинақтаушы зейнетақы қоры (БЖЗҚ) 2026 жылға арналған зейнетақы жинақтарының ең төменгі жеткіліктілік шегін (ТЖШ) жариялады. Қор мәліметінше, көрсеткіш орта есеппен 10 пайызға өсті,-деп хабарлайды Opennews.kz ақпарат агенттігі.

ТЖШ ағымдағы және болжамды әлеуметтік-экономикалық параметрлерге сүйене отырып есептеледі. Оның ішінде ең төменгі зейнетақы мөлшері, ең төменгі жалақы, ең төменгі күнкөріс деңгейі, инфляция және инвестициялық кірістілік ескеріледі.

2026 жылға арналған есептеулерде мына көрсеткіштер пайдаланылған:

Ең төменгі жалақы — 85 000 теңге;

Ең төменгі зейнетақы мөлшері — 69 049 теңге;

Ең төменгі күнкөріс деңгейі — 50 851 теңге.