Кәсіпкерлердің қызметкері үшін МӘМС пен зейнетақы қорына ақша аударатын төлем мөлшері бекітілмек

Кәсіпкер қызметкері үшін Міндетті әлеуметтік медициналық сақтандыру мен Бірыңғай жинақтаушы зейнетақы қорына аударатын төлем мөлшері белгілі болды, - деп хабарлайды "Opennews.kz" ақпарат агенттігі.

Құжатта жазылғандай, «Азаматтарға арналған үкімет» мемлекеттік корпорациясы жүргізетін біріңғай төлемдер саласындағы келесі қызметтер үшін мына мөлшерде төлем алынады:

• Мемлекеттік әлеуметтік сақтандыру қорына, Міндетті әлеуметтік медициналық сақтандыру қорына, Бірыңғай жинақтаушы зейнетақы қорына және төлеушінің тұрғылықты жері бойынша бюджетке бірыңғай төлемнің сомасын бөлу және аудару – 136 теңге 5 тиын (1 төлем үшін);
  
• Бірыңғай төлемнің қате немесе артық төленген сомаларын қайтаруды – 2020 теңге 41 тиын (1 төлем үшін).

Тоқтала кетсек, «Азаматтарға арналған үкімет» мемлекеттік корпорациясы бұл қызметтерді тек өзін-өзі жұмыспен қамтыған жеке кәсіпкерлер үшін көрсетеді. Яғни, олардан өз қызметкерлеріне тиісті аударымдары жасау кезінде белгіленген сомма алынады.

Цифрлық даму, инновациялар және аэроғарыш өнеркәсібі министрінің бұйрық-жобасы 6 қыркүйекке дейін көпшілік талқылауда болады.