Атырау облысы жылу маусымының дайындығына 3 млрд теңге жұмсаған

Русский перевод этой статьи пока не опубликован. Ниже — оригинал на казахском языке.

Жылу маусымының  дайындығына 3 млрд теңге жұмсалды- деп хабарлайды Opennews.kz ақпарат агенттігі


Атырау облысының энергетика және тұрғын үй-коммуналдық шаруашылық басқармасының басшысы Ерлан Назаров айтуынша, биыл жылу беру маусымына дайындыққа 3 млрд теңге қаражат бөлінген. Оның ішінде жергілікті бюджеттен 1 млрд теңге бөлінсе, кәсіпорындардың есебінен 2 млрд теңге қаржы жұмсалған.

"15,6 шақырым жылу, 1,4 шақырым су және су бұру, 696,7 шақырым электр желілеріне жөндеу жұмыстары жүргізілді. Сонымен қатар , облыста жылу беру маусымы қарсаңында 412 білім беру, 147 денсаулық сақтау нысаны толықтай сынақтан өтті. Ал, көпқабатты 1776 тұрғын үй дайындығы тексерілді. Оның ішінде 1751 тұрғын үй сынақтан өткізілді" - дейді ол.

1 қазаннан бастап әлеуметтік сала нысандарына жылу берілген. Қазір 405 білім беру, 80 медицина нысанында жылу бар. Ал, көпқабатты тұрғын үйлерге жылу 15 қазанда беріледі.