Елімізде бөлшек сауда көлемі 7,6% өсті

Русский перевод этой статьи пока не опубликован. Ниже — оригинал на казахском языке.

Елімізде сату көлемінің ең көп өсімі азық-түлікке жатпайтын тауарлар құрайды, - деп  хабарлайды Opennews.kz ақпарат агенттігі.

 Бөлшек сауда көлемі 2022 жылғы қаңтар-сәуір аралығында 3 683,7 млрд теңгені құрады, бұл 2021 жылғы тиісті кезеңге қарағанда 0,8% жоғары. Кәсіпкерлердің тауарларды бөлшек саудада өткізу көрсеткіші 7,6% өсті. Азық-түлік тауарларының бөлшек сауданың жалпы көлеміндегі үлесі 31,7%, азық-түлікке жатпайтын тауарлардікі – 68,3%.

Сату көлемінің ең көп өсімі азық-түлікке жатпайтын тауарлардың еншісінде, атап айтқанда, автомобиль бөлшектері, тораптар мен керек-жарақтар, мотор отыны, тұрмыстық электр құралдары, фармацевтика тауарлары, компьютерлер, перифериялық жабдықтар мен бағдарламалық қамтамасыз ету, киім, косметикалық тауарлар мен  жеке күтім керек-жарақтарын сататын кәсіпорындарда. 2022 жылғы 1 мамырға қарай сауда кәсіпорындарының тауар қорларының көлемі (есеп берген кәсіпорындар бойынша) бөлшек саудада 1137,2 млрд теңгені, сауда күндерінде 70 күнді құрады.