Шетелде ғылыми тағылымдамадан өтуге өтінім қабылдау басталды

21 декабря 2022, 11:35

508

Русский перевод этой статьи пока не опубликован. Ниже — оригинал на казахском языке.

Шетелде ғылыми тағылымдамадан өтуге өтінім қабылдау басталды, - деп хабарлайды Opennews.kz ақпарат агенттігі.

Ол 2023 жылғы 15 наурызға дейін жалғасады. Республикалық комиссия грант тағайындауды мамыр айына дейін жүзеге асырады.

«Мемлекет басшысының тапсырмасы бойынша жыл сайын 500 отандық ғалымға мемлекет есебінен ғылыми тағылымдамадан өтіп, әлемнің жетекші зертханаларында зерттеу жүргізуге мүмкіндік беріледі. Биыл ғалымдарды іріктеу критерийлері жетілдірілді. Тағылымдамадан өтуге болатын ЖОО мен ғылыми орталықтар тізімі алғаш рет жасалды. Зерттеулердің өзекті бағыттары бойынша мамандықтар тізімі бекітілді. Сарапшылар комиссиясының құрамына қойылатын талаптар күшейтілді. Енді оған инженерлік-техникалық, медициналық, гуманитарлық және жаратылыстану ғылымдарының докторлары ғана кіреді», – деп атап өтті «Халықаралық бағдарламалар орталығы» - деді АҚ Басқарма төрағасы Әнуар Жанғозин.