Қаз
Рус
Қазақстанда 450-ден астам ауған студенті білім алуда
Русский перевод этой статьи пока не опубликован. Ниже — оригинал на казахском языке.
Премьер-министрдің орынбасары Серік Жұманғарин Қазақстанда білім алатын ауғанстандық студенттердің санын көбейтуді ұсынды, - деп хабарлайды "Opennews.kz" ақпарат агенттігі.
«Қазақстан ауған студенттерін оқыту бойынша білім беру бағдарламаларын іске асыруға дайын. Биыл Қазақстан Ауғанстаннан келген студенттерге 30 грант бөледі», - деді С. Жұманғарин.
Оның айтуынша, Қазақстанда 450-ден астам ауған студенті оқып жатыр.
«Қазақстан ауған халқына материалдық және гуманитарлық қолдау көрсете отырып, Ауғанстан үшін гуманитарлық көмекті қамтамасыз етуге өз үлесін қоса бермек», - деді министр.
Бұдан бұрын хабарланғандай, Ауғанстанның өнеркәсіп және сауда министрі Нуриддин Азизи Қазақстанның гуманитарлық көмегіне алғыс айтты.
