Ауыл мектептері арасында Республикалық олимпиаданың екінші кезеңі басталды

9 октября 2025, 15:59

2 289

Русский перевод этой статьи пока не опубликован. Ниже — оригинал на казахском языке.

8-10 қазан аралығында Қазақстанда ауыл мектептерінің 9-11(12)-сынып оқушылары арасында жалпы білім беретін пәндер бойынша Республикалық олимпиаданың екінші (аудандық) кезеңі өтіп жатыр, - деп хабарлайды "Opennews.kz" ақпарат агенттігі.

Олимпиаданың басты мақсаты — ауыл мектептерінің оқушылары үшін тең мүмкіндік қалыптастыру, дарынды әрі академиялық қабілеті жоғары балаларды қолдау және олардың зияткерлік әрі кәсіби дамуына жағдай жасау.

— Екінші кезеңге бірінші турда бақ сынаған 83 мың қатысушының ішінен іріктелген 62 мыңнан астам оқушы қатысып жатыр. Сонымен қатар санитариялық-эпидемиологиялық талаптардың сақталуына және қатысушыларға жайлы жағдай жасауға ерекше назар аударылған. Олимпиада 13 пән бойынша — алтауы жаратылыстану-математикалық және жетеуі қоғамдық-гуманитарлық бағытта — төрт кезеңнен тұрады. Бірінші кезеңге қатысу үшін smart.daryn.kz сайтында 125 мыңнан астам оқушы тіркелді, — делінген хабарламада.

Аудандық сайыстың жеңімпаздары үшінші (облыстық) кезеңге қатысады. Ол қараша–желтоқсан айларында дәстүрлі форматта, екі тур бойынша өтеді. Ережеге сәйкес, әр облыстан 780 оқушы қатысады.