Медициналық және фармацевтикалық бақылау комитетінің төрағасы тағайындалды

Қазақстан Республикасы Денсаулық сақтау министрінің бұйрығымен Бауыржан Әлішерұлы Жүсіпов Министрліктің Медициналық және фармацевтикалық бақылау комитетінің төрағасы қызметіне тағайындалды, - деп хабарлайды "Opennews.kz" ақпарат агенттігі.

1981 жылы Шымкент қаласында дүниеге келген. Оңтүстік Қазақстан мемлекеттік медицина академиясын, «Астана медицина университеті» АҚ бітірген. Еңбек жолын 2002 жылы Шымкент қаласы, Қалалық жедел медициналық жәрдем көрсету стансасы желілік бригадасының фельдшері болып бастаған.

2024 жылғы шілдеден бастап қазіргі уақытқа дейін — ҚР Президентінің Іс басқармасы ведомстволық қарасты ұйымдарын басқару бөлімі меңгерушісінің орынбасары.