Депутаттар медицинаға салынатын салықты жеңілдетуді ұсынды

Мәжіліс депутаты Асхат Аймағамбетов жаңа Салық кодексі жобасын талқылау барысында медицина және әлеуметтік салаға салықтық жеңілдіктер қарастырылуы керектігін мәлімдеді, - деп хабарлайды "Opennew.kz" ақпарат агенттігі.

Асхат Аймағамбетовтың айтуынша, әлеуметтік маңызы бар ауруларға арналған дәрі-дәрмектерге қосылған құн салығын (ҚҚС) енгізбеу ұсынылуда.

Қалған медициналық бағыттар бойынша ҚҚС мөлшері 10% болуы мүмкін.  Қазіргі таңда медициналық қызметтер қосылған құн салығынан босатылған, алайда Үкімет бұл салаға 10% мөлшерінде салық енгізуді ұсынды.

Дегенмен депутаттар бұл көрсеткішті кезең-кезеңімен көтеруді ұсынуда.

Депутаттың айтуынша, салық жүктемесінің бірден 20%-ға артуы медицина саласы үшін ауыр болмақ.

Қазіргі уақытта бұл нормалар бойынша нақты шешімдер қабылданған жоқ, талқылау әлі де жалғасуда.