Қаз
Рус
Елімізде сібір жарасы тіркелді
Русский перевод этой статьи пока не опубликован. Ниже — оригинал на казахском языке.
Түркістан облысының Төле би ауданында сібір жарасы дерегі тіркелді. Аудан тұрғыны қазіргі таңда аудандық ауруханада ем қабылдап жатыр,- деп хабарлайды Opennews.kz ақпарат агенттігі.
Эпидемиологтардың мәліметіне сүйенсек, науқас шамамен он күн бұрын ауру малды сойып, етін пайдаланған. Сақтық шараларын елемегендіктен, инфекция осылайша жұққан.
Дәрігерлер науқаспен байланыста болған 10 адамды тексерді. Абырой болғанда, олардан ауру белгілері анықталмады.
Облыстық санитария қызметінің мамандары тұрғындарға мал өнімдерін тұтынғанда сақтық шараларын қатаң сақтауды ескертті. Мамандар әсіресе ауру мал етін пайдаланбауға, қол гигиенасын сақтауға және күдік туындаған жағдайда дереу дәрігерге қаралуға шақырады.
