Италия премьер-министрі Джорджа Мелони Қазақстанға сапарын кейінге шегерді

23 апреля 2025, 10:54

2 187

Русский перевод этой статьи пока не опубликован. Ниже — оригинал на казахском языке.

Президенттің баспасөз хатшысы Руслан Желдібай Италия премьер-министрі Джорджа Мелонидің Қазақстанға сапары және "Орталық Азия – Италия" бірінші саммиті кейінге қалдырылғанын мәлімдеді, - деп хабарлайды "Opennews.kz" ақпарат агенттігі.

Баспасөз хатшысының айтуынша, Италия тарапының өтініші бойынша сапар мен саммиттің жаңа мерзімдері келісіліп жатыр.

"Италия тарапынан келіп түскен өтінішке сәйкес Италия премьер-министрі Джорджа Мелонидің Қазақстанға жоспарланған сапары және "Орталық Азия – Италия" саммиті Рим Папасы Францисктің қайтыс болуына байланысты ұйымдастырылатын қаралы шараларға қатысуына орай кейінге шегерілді. Жаңа мерзімдері туралы қосымша хабарланады", – деді Руслан Желдібай.

Бұған дейін Ақорда Джорджа Мелонидің Президент Қасым-Жомарт Тоқаевтың шақыруымен 26-27 сәуір күндері Қазақстанға ресми сапармен келетінін хабарлаған болатын. Кездесу барысында тараптар қазақ-итальян стратегиялық әріптестігін дамытудың келешегін талқылауды жоспарлаған.

"Орталық Азия – Италия" алғашқы саммиті 27 сәуірде өтеді деп жоспарланған еді.