Президент үш соғыс ардагеріне «Халық қаһарманы» атағын берді

Русский перевод этой статьи пока не опубликован. Ниже — оригинал на казахском языке.

Қазақстан президенті Қасым-Жомарт Тоқаев Ұлы Отан соғысына қатысушыларды Қазақстан Республикасының мемлекеттік наградаларымен марапаттау туралы жарлыққа қол қойды,  - деп хабарлайды Opennews.kz ақпарат агенттігі  Ақорда ресми сайтына   сілтеме жасап.

1941-1945 жылдардағы Ұлы Отан соғысында көрсеткен ерлігі мен қаһармандығы үшін жоғары дәрежелі ерекшелік белгісі – «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын:

8-ші гвардиялық Қызылтулы атқыштар дивизиясы 302-ші гвардия атқыштар полкі 2-ші атқыштар ротасының мергені Әбдібеков Төлеуғали Насырханұлы

126-шы Горловка Қызылтулы атқыштар дивизиясы 690-шы атқыштар полкі 1-ші атқыштар батальонының командирі Несмиянов Александр Александрович

100-ші бөлек атқыштар бригадасы атқыштар батальоны 2-ші бөлімшесінің мергені-бақылаушысы Сүлейменов Ыбырайым.