Мемлекет басшысы Меккеде кіші қажылық жасады

Русский перевод этой статьи пока не опубликован. Ниже — оригинал на казахском языке.

Қасым-Жомарт Тоқаев Исламның басты киелі мекені – Мекке қаласындағы Қағбаға кіріп, кіші қажылық жасады, - деп хабарлайды Opennews.kz ақпарат агенттігі президенттің баспасөз қызметіне сілтеме жасап.

"Президент ерекше құрметке ие болды – ол есіктері ерекше жағдайларда жоғары қонақтарға ашық болатын Кағбаның ішіне кірді. Бұл – Сауд Арабия басшылығының Қазақстан президентіне деген зор құрметінің дәлелі", - делінген Мемлекет басшысының баспасөз хабарламасында.

Естеріңізге сала кетсек, 23 шілде күні Қасым-Жомарт Тоқаев Салман бен Әбдел Әзиз Әл Саудтың шақыруымен Сауд Арабиясына ресми сапармен келген болатын. Сауд Арабиясы Королінің «Каср Ас-Салам» сарайында Қасым-Жомарт Тоқаевты қарсы алудың ресми рәсімі өтті. Осыдан кейін президент Сауд Арабиясымен маңызды келісімдер туралы мәлімдеді.
Кездесу қорытындысы бойынша тараптар 13 маңызды құжатқа қол қойды.