Қызылордада екі жеңгетай әр клиенттен 5 мың теңгеден алып отырған

4 декабря 2023, 11:45

2 679

Русский перевод этой статьи пока не опубликован. Ниже — оригинал на казахском языке.

Қызылордада жеңгетайлықпен айналысқан екі әйел ұсталды, - деп хабарлайды "Opennews.kz" ақпарат агенттігі.

Қызылорда облысында «STOP-трафик» жедел-профилактикалық шарасы жүргізілді. Шара барысында жеңгетайлықпен айналысқан 2 азаматша анықталды. Облыс орталығындағы екі саунаның 39, 50 жастағы меңгерушілері келген тұтынушыға пайдакүнемдік мақсатта жеңіл жүрісті қыздарды ұсынып, жеңгетайлықпен айналысқан.

«Күдіктілер әрбір шақыру бойынша 5 мың теңге сыйақы ретінде ақшалай қаражат алып отырған. Оқиға орнынан заттай дәлелдемелер — ақша және байланыс құралдары алынды. Аталған деректер бойынша ҚР Қылмыстық кодексінің 309-бабының 1-бөлігімен сотқа дейінгі тергеу жүріп жатыр», — деп мәлім етті Қызылорда облыстық полиция департаментінен.