ДСМ: Қазақстан үш аптадан бері «қызыл аймақта»

Русский перевод этой статьи пока не опубликован. Ниже — оригинал на казахском языке.

Оның айтуынша, эпидемиологиялық жағдай матрицасына сәйкес, еліміз 26 маусымнан бері «қызыл аймақта» тұр.
Сондай-ақ ведомство басшысы 14 шілдедегі жағдай бойынша Қазақстанда COVID-19-дың оң нәтижесімен 466 792 науқас тіркелген. Ал симптомсыз 58 086 жағдайы анықталған. «Қызыл аймаққа» еліміздің 13 өңірі: Нұр-Сұлтан, Алматы және Шымкент қалалары, Атырау, Қарағанды, Батыс Қазақстан, Павлодар, Ақмола, Маңғыстау, Қостанай, Ақтөбе, Солтүстік Қазақстан облыстары еніп отыр. «Сары аймақта» Қызылорда, Алматы және Жамбыл облыстары тұр. Ал екі өңір – Түркістан және Шығыс Қазақстан облыстары «жасыл аймақта». Әлемде коронавирустың «дельта» штамының таралуына байланысты Денсаулық сақтау министрлігі COVID-19-бен ауырғандар арасында оң зертханалық үлгілерге ПТР сынамасын жүргізді. 1 шілдеде үнділік штамды анықтау үшін 414 сынамаға ПТР скрининг жасалды. Нәтижесінде үнділік штамм еліміздің барлық облыстарында және Нұр-Сұлтан, Алматы, Шымкент қалаларында анықталды, - деді Роза Қожапова.