Қаз
Рус
Көкпар кезінде болған жол апатына байланысты қылмыстық іс қозғалды
2 568
Русский перевод этой статьи пока не опубликован. Ниже — оригинал на казахском языке.
Қызылорда облысы, Шиелі ауданына қарасты Алғабас ауылында көкпар ойыны кезінде жеңіл автокөлік бірнеше жылқы мен шабандозды қағып кетті,-деп хабарлайды Opennews.kz ақпарат агенттігі.
Әлеуметтік желілерде тараған видеода көліктің ойын алаңына кіріп, қатысушыларды қағып өтіп, тоқтамай кетіп қалған сәті түсірілген. Полицияның мәліметінше, көкпарды Шиелі ауданының тұрғыны ұйымдастырған.
“Аталған дерек бойынша бұзақылық бабы бойынша қылмыстық іс қозғалды. Көлік жүргізушісі анықталып, полиция бөлімшесіне жеткізілді”, – делінген облыстық полиция департаментінің хабарламасында.
Сонымен қатар, көкпар ұйымдастырушысы жергілікті билік органдарынан ойын өткізуге рұқсат алмағаны үшін әкімшілік жауапкершілікке тартылған. Қазіргі таңда оқиғаның мән-жайы анықталып, тергеу амалдары жүргізілуде.
