Қаз
Рус
Қызылордада 100-ден астам сотталған адам қоғамдық жұмысқа тартылды
2 520
Русский перевод этой статьи пока не опубликован. Ниже — оригинал на казахском языке.
Қызылорда облысында 1000-ға тарта адам облыстық қылмыстық атқару жүйесі департаментінің аудандық және қалалық пробация қызметтерінің есебінде тұр, - деп хабарлайды "Opennews.kz" ақпарат агенттігі.
Олардың арасында сот үкімімен қоғамдық жұмысқа тартылғандар да бар.
"Өткен жылы 100-ден астам адамға қоғамдық жұмыс түріндегі жаза тағайындалды. Қазіргі күні соның 8-і қоғамдық жұмыс істеу арқылы жазасын өтеп жүр. Қалғаны белгіленген мерзімді толық өтеп, пробация есебінен шығарылды. Қоғамдық жұмысқа тартылғандар әкімдік белгілеген орындарды абаттандырумен, қар тазалаумен, тазалық жұмыстарымен айналысады. Бұл — жазаны өтеумен қатар, қоғамға пайдалы еңбек етуге мүмкіндік беретін шара.", — делінген хабарламада.
Пробация қызметінің негізгі мақсаты — сотталған азаматтарды қоғамнан оқшауламау, олардың қайта қылмыс жасауына жол бермеу, сондай-ақ оларды заңға бағынатын өмір салтына бейімдеу.
