Қызылордада бір ауыз сөз 60 жастағы ер адамды сотқа әкелді

5 июня 2026, 11:30

2 619

Русский перевод этой статьи пока не опубликован. Ниже — оригинал на казахском языке.

Қызылорда қалалық пробация қызметінің есебіне тағы бір сотталған азамат алынған,- деп хабарлайды Оpennews.kz ақпарат агенттігі.

Ол сот үкімімен Қазақстан Республикасы Қылмыстық кодексінің 106-бабының 1-бөлігімен 4 жыл 6 ай мерзімге айыру жазасы тағайындалып, ҚК-нің 63-бабы қолданылып, жазаны шартты деп есептеп, пробациялық бақылауға алынған.

Есептегі азамат оқиғанын қалай болғанын айтып берген.

Таныстарыммен бірге ішімдік ішкен болатынбыз. Ішкен адамның жағдайы белгілі ғой, арамызда ерегіс туындады. Қатты ашуға булығып, бір-бірімізге қол жұмсадық. Мас болғаным сонша, айтқан сөздерін көтере алмадым. Қайтыс болған анама тіл тигізгені үшін мен де қарап қалмадым, - дейді пробация есебіндегі азамат.

Ер адам бүгінде жасаған ісіне қатты өкінетінін жеткізген.

Қазір өзімді ұстай алмағаныма қатты өкінемін. Мен көпбалалы әкемін, балаларымды ойлаймын. Түзеліп, оларға дұрыс тәрбие беруім керек. Ішімдіктің опа бермейтінін өз басымнан өткеріп отырмын. Жасым 60-қа таяғанда істі болғаныма қатты қынжыламын. Барша азаматтарға айтарым – ішімдікке жоламаңыздар. Бір сәттік ашу бүкіл өміріңізге кесірін тигізуі мүмкін, - деп өкінішін білдірді ол.

Қазіргі таңда қызылорда қалалық пробация қызметінің есебінде 500-ден аса сотталған есепте тұрады.