Қаз
Рус
Қызылорда жыл басынан бері 7 мың жаяу жүргінші жауапқа тартылды
Русский перевод этой статьи пока не опубликован. Ниже — оригинал на казахском языке.
Жыл басынан бері Қызылорда облысында жол қозғалысы ережелерін бұзған 7 мыңға жуық жаяу жүргінші анықталды, - деп хабарлайды Opennews.kz ақпарат агенттігі.
Олардың заңға қайшы әрекеті облыстық полиция департаментінің жедел басқару орталығының бейнебақылау камераларына іліккен.
— Полиция қызметкерлері құқықбұзушылықтарға қатысты Қазақстан Республикасы Әкімшілік құқықбұзушылық туралы кодексінің 615-бабына сәйкес, яғни жаяу жүргіншілердің және жол жүрісіне өзге де қатысушылардың жол жүрісі қағидаларын бұзуы бойынша әкімшілік хаттамалар рәсімдеді. Құқық бұзушылар заң аясында жауапкершілікке тартылды, — делінген хабарламада.
Тәртіп сақшылары жаяу жүргіншілердің жол қозғалысы ережелерін сақтамауы жол апатына әсер ететін бірден-бір фактор ретінде атап отыр. Азаматтардың арнайы белгіленген жаяу жүргіншілер өткелін пайдаланбай, жолдың кез келген жерінен кесіп өтуі өз өміріне ғана емес, жол қозғалысына қатысушы өзгелерге де қауіп төндіреді.
