Қаз
Рус
"Келінжан 3" фильмінің үзіндісі елді шулатты
2 684
Русский перевод этой статьи пока не опубликован. Ниже — оригинал на казахском языке.
Белгілі продюсер Гүлнұр Мамасарипова “Келінжан 3” фильмінің жарыққа шығатынын мәлімдеді, - деп хабарлайды "Opennews.kz" ақпарат агенттігі.
Фильмнің продюсері киноның анонсын жеке парақшасында жариялады.
“Мәдөш пен Бақонайдың фанаттары қайдасыздар? Коммент пен лүпілді аямаңыздар! Бір-бірлеріңізге жіберіп отырыңыздар! Премьераға дейін сіздердің қолдауларыңыз маңызды. Маркетингтің пачақ-пачағын шығарып жіберіңіздерші”, – деп жазды продюсер.
Алайда желі қолданушылары көзі көгерген актрисаның қызу талқылап жатыр. Продюсерді тұрмыстағы зорлық-зомбылықтан романтика жасады деп кінәлады.
“Көгерген көзді көруден шаршадық. Тұрмыстағы зорлық-зомбылыққа күліп отыру қалыпқа айналды”, “Ешқандай да күлкілі емес”, “Бәріміз бір үйдің Айсарасы болып отырмыз”, “Мәдөш Балқияға қол көтеріп, сонысына кешірім сұрап тұрған эпизод шығар”, – деп жазды көпшілік.
