Қаз
Рус
Танымал рэпер Qarakesek 15 тәулікке әкімшілік қамауға алынды
Русский перевод этой статьи пока не опубликован. Ниже — оригинал на казахском языке.
Ақтөбеде полиция 31 жастағы рэп орындаушыны нашақорлық күйінде ұстады, - деп хабарлайды "Opennews.kz" ақпарат агенттігі.
Полицияның мәліметінше, ұсталған сәтте рэп орындаушы көлік тізгінінде болған. Жеке тексеру кезінде оның жанынан ұнтақ тәрізді зат салынған зип-пакет табылып, тәркіленген. Сараптама нәтижесінде бұл зат синтетикалық есірткі екені анықталды.
«Медициналық куәландыру жүргізіліп, оның есірткілік масаң күйде көлік жүргізгені расталды. Аталған дерек бойынша қылмыстық іс қозғалды. Сонымен қатар құқық бұзушы 15 тәулікке әкімшілік қамауға алынып, 7 жыл мерзімге көлік жүргізу құқығынан айырылды», – деп хабарлады полиция департаменті.
Полиция ұсталған азаматтың аты-жөнін жарияламады.
