Бадықова: Мықты әйелдерді көпшілік онша ұнатпайды

13 ноября 2025, 14:18

2 538

Русский перевод этой статьи пока не опубликован. Ниже — оригинал на казахском языке.

Қазақстандық актриса, кино жұлдызы Дариға Бадықова Instagram желісінде мықты әйел болу тақырыбында оқырмандарымен ой бөлісті. Актрисаның айтуынша, мықты әйелдер ешкімге тәуелді болмайды, көмек сұрамайды және бәрін өз күшімен жасайды, - деп хабарлайды "Opennews.kz" ақпарат агенттігі.

«Мықты әйелдер ешкімге ұнамайды. Өйткені олар ешкімге жүгінбейді, ешкімнен ештеңе күтпейді. Бәрін өз күшімен, өз жүрегімен жасайды», – деп жазды Бадықова.

Актриса өз тәжірибесінде мықтылық пен тәуелсіздіктің жеке өмірде де, өнерде де кейде қиындықтар туғызатынын атап өтті. Ол мықтыларды түсінетін адамдар аз екенін, көп жағдайда сынайтындар көп болатынын айтты.

«Өмір заңдылығы: адамдар мүсәпір болса – жұбатқысы келеді, құрбан болса – аяғысы келеді, ал мықты болсаң – онша ұнатпайды. Мықты әйел – айна, әркімнің өз әлсіздігін өзіне көрсетеді», – деді актриса.

Сонымен қатар Бадықова мықты болып көрінгенімен, ішкі тұрғыдан эмоцияларын жасырмай, кейде жалғыздық сезіміне берілуі мүмкін екенін мойындайды. Ол өз әлсіз тұстарын ашуға намыстанатынын, сондықтан көбінесе тәуелсіз болып көрінетінін де жеткізді.