Қаз
Рус
"Маскасы шешілді" әнші Kalifarniya жанды дауыста ән айтамын деп сынға қалды
Русский перевод этой статьи пока не опубликован. Ниже — оригинал на казахском языке.
Танымал әнші Kalifarniya концерттердің бірінде жанды дауыста ән орындауы кезінде сынға қалды,-деп хабарлайды Opennews.kz ақпарат агенттігі.
Концерт барысында ол «Қымбаттым» әнін Мирас Жүгінісовпен бірге орындаған. Алайда әнші музыканың ырғағына ілесе алмай, көрермендердің назарын аударды. Kalifarniya бұл жағдайды дауысы сыр беріп, тамағы ауырып тұрғанымен түсіндірді.
Соған қарамастан, әлеуметтік желі қолданушылары әншінің жанды дауысы фонограммадағы нұсқасына сәйкес келмейтінін айтып, наразылық білдірді.
Желіде «Жанды дауыста айтса, үнемі тамағы ауырып қалады екен», «Тыңдап отырған адамдарды аяймын», «Тональностке түсе алмай тұр», «Шынайы дауысы осы» сынды пікірлер жазылды.
Оқиға әлеуметтік желіде қызу талқыланып, Kalifarniyaның орындаушылық деңгейіне қатысты түрлі көзқарастар туындады.
