Семейде жаңа көпқабатты үйдің сыртқы қаптамасы опырылып түсті

Русский перевод этой статьи пока не опубликован. Ниже — оригинал на казахском языке.

Семей қаласындағы Қарағайлы көшесінде орналасқан көпқабатты үйдің сыртқы қаптамасы опырылып түсті, - деп хабарлайды Opennews.kz ақпарат агенттігі.

Қала әкімдігі тексеріс жүргізіп, бұл жағдайдың себебін анықтаған.

«Аталған көшедегі 22-ші үй қасбетінің опырылуына байланысты шаһар әкімінің тапсырмасымен аккредиттелген арнайы ұйым ғимараттың техникалық жағдайын зерттеді. Соның нәтижелері бойынша сылақ қабаты материалдарының әркелкілігіне байланысты осындай жағдайдың болғаны анықталған. Сондай-ақ тұрғын үйдің сыртын әрлеу жұмыстары жобадан ауытқыған», - делінген әкімдіктің баспасөз қызметі таратқан ақпаратта.

Қазіргі уақытта опырылған сыртқы қаптаманы қалыпқа келтіру мәселесі шешілуде.