Қаз
Рус
Қызылордада жаңадан салынып жатқан дүкеннің төбесі құлап, бір адам мерт болды
294
Русский перевод этой статьи пока не опубликован. Ниже — оригинал на казахском языке.
Қызылорда қаласында салынып жатқан екі қабатты дүкеннің ағаш конструкциясы құлап, Өзбекстан азаматы көз жұмды, - деп хабарлайды "Opennews.kz" ақпарат агенттігі.
Оқиға бүгін, 4 мамырда сағат 15.11-де болды. Қызылорда қаласындағы Төреқұлов көшесі бойында жаңа салынып жатқан екі қабатты дүкен төбесінің ағаш конструкциясы құлап кеткен.
«Оқиға орнында құрылыс жұмыстарын жүргізіп жатқан Өзбекстан Республикасының 1996 жылғы азаматы сол жерде қаза болды. Облыстық төтенше жағдайлар департаментінің Жедел құтқару жасағының күшімен мәйіт үйінді астынан шығарылды», - деп мәлім етті Қызылорда облыстық төтенше жағдайлар департаментінен.
