Қаз
Рус
Мемлекет басшысының 70 жас мерейтойы атап өтілмейтін болды
Русский перевод этой статьи пока не опубликован. Ниже — оригинал на казахском языке.
Президент Қасым-Жомарт Тоқаевтың 70 жас мерейтойына орай ешқандай шара ұйымдастырылмайтын болды, - деп хабарлайды "Opennews.kz" ақпарат агенттігі.
Тоқаевтың баспасөз хатшысы Руслан Желдібай президенттің туған күнін қалай атап өтетіні туралы сұрақтардың көптеп түсетінін айтады.
“Осыған орай ешқандай іс-шара жоспарланбағанын хабарлаймыз. Президент мұндай шараларды қолдамайды. Мемлекет басшысы 17 мамыр күнін жұмыс кестесіне сай өткізеді. Бұған дейін хабарлағанымыздай, бұл күні Қасым-Жомарт Тоқаевтың Қытайға мемлекеттік сапары басталады”, – делінген жазбада.
Сәйкесінше Қазақстанда да, Қытайға сапар аясында да президенттің туған күніне байланысты ешқандай іс-шара өткізілмейді екен.
