Қаз
Рус
Заңсыз сыйақы алғандар 3 жылға сотталуы мүмкін
Русский перевод этой статьи пока не опубликован. Ниже — оригинал на казахском языке.
Заңсыз сыйақы алғандарға қолданылатын жаза күшеймек, - деп хабарлайды "Opennews.kz" ақпарат агенттігі.
Сыбайлас жемқорлыққа қарсы қызмет Қылмыстық кодекске заңсыз сыйақы алған адамды 3 жылға соттауды ұсынып отыр.
Енді ірі көлемде сыйақы алған адамның мүлкі тәркіленіп, 3 жылға дейін бас бостандығынан айырылуы мүмкін. Одан бөлек, сотталған адамға 3 мың АЕК-ке (10 350 000 теңгеге) дейiн айыппұл салынып, түзеу жұмыстарына немесе 800 сағатқа дейінгі мерзімге қоғамдық жұмыстарға тартылады, – делінген Ашық НҚА порталына жарияланған Қылмыстық кодекстің жаңа редакциясында.
Қазір заң бойынша мұндай әрекет жасағандарға ең қатал жаза ретінде 2 жылға соттау, осы мерзімге бас бостандығын шектеу немесе 6 млн 900 мың теңге айыппұл салу шаралары қолданылады.
Сондай-ақ кінәлі деп танылған адам сот шешімімен 600 сағатқа қоғамдық жұмыстарға тартылады. Енді жоғарыда атап өткеніміздей, заңсыз сыйақы алғандарға 3 жылға бас бостандығынан айыру, 10 млн теңгеден аса айыппұл салу және 3 жылға бас бостандығын шектеу жазасы қолданылуы мүмкін.
Құжат 17 шілдеге дейін көпшілік талқылауында болады.
