Қаз
Рус
Шенеунік жүк көліктерін кедергісіз өткізу үшін 50 мың теңгеден алып отырған
Русский перевод этой статьи пока не опубликован. Ниже — оригинал на казахском языке.
Жетісу облысында Көліктік бақылау инспекциясы басшысының орынбасары әр жүк көлігінен 50 мың теңге алды деген күдікке ілінді, - деп хабарлайды "Opennews.kz" ақпарат агенттігі.
Сыбайлас жемқорлыққа қарсы қызмет агенттігінің хабарлауынша, шенді жүк көліктерінің кедергісіз қозғалуы үшін пара алып отырған.
“Ол өзінің сенімді адамының делдалдығымен облыс аумағында жүк көлігінің кедергісіз жүріп-тұруы үшін кәсіпкерлерден жүйелі негізде пара алды деп күдіктелуде. Ай сайынғы сыйақы сомасы 1 автокөлік үшін 50 000 теңгені құрады”, – деп жазылған хабарламада.
Күдікті сот санкциясымен қамауға алынып, сотқа дейінгі тергеу жүріп жатыр.
Қылмыстық-процестік кодексінің 201-бабына сәйкес өзге ақпарат жария етуге жатпайды.
