Қаз
Рус
"Жүгір немесе өл" жасөспірімдер арасында қауіпті ойын таралуда
Русский перевод этой статьи пока не опубликован. Ниже — оригинал на казахском языке.
Қазақстандық жасөспірімдер арасында жаңа қауіпті ойын қарқын алуда. Ойын шарты бойынша олар көлік, автобус немесе пойыз алдынан жолды кесіп өту керек,- деп хабарлайды "Opennews.kz" ақпарат агенттігі.
“Жүгір немесе өл” ойыны бойынша балалар қауіпті нәрсе жасап, содан кім тірі қалып, жеңуі тиіс. Қазақстандықтар бұған дабыл қағып, ата-аналарды ескертуде.
Риддер тұрғыны қауіпті ойынның куәсі болған. Ер адам көліктің алдынан жүгіріп жүрген жасөспірімдер тобын түсіріп алған.
“Сұр-жасыл күртеше киген бала көліктің астына түсе жаздады. Жүргізуші уақытында тоқтап үлгерді. Достары осыған күліп, қарап тұрды", – деді куәгер.
Маңғыстауда автокөлік жүргізушілері бір біріне ескерту жіберуде.
“Егер көлікпен жүргенде жол бойында жігіттерді көрсеңіз, абай болыңыздар”, – делінген хабарламада.
